Zonat e Lira

Zonat e lira janë pjesë të territorit doganor të Republikës së Shqipërisë ose mjedise të vendosura në këtë territor, të ndara nga pjesa tjetër e tij.

Një zonë e lirë është një zonë e përcaktuar ku nuk vendosen detyrime ose taksa, duke nxitur tregtinë dhe duke tërhequr kompanitë nëpërmjet heqjes së barrierave tregtare. Në zonat e lira mund të magazinohen:

• mallrat joshqiptare
• mallrat shqiptare të destinuar për eksport

Agjencia jonë ka eksperiencë shumë vjeçare në përpunimin e mallrave në "Magazinë Doganore" dhe "Zonë të Lirë". Deklarimi i thjeshtuar në doganë dhe mbajtja e inventarit të mallrave që hyjnë e dalin në/nga Zona e Lirë.

Nga viti 2010, operojmë në zonën e Lirë të miratuar si "Terminali Bregdetar në Gjirin e Vlorës Për Depozitimin e Naftës dhe të Nënprodukteve të saj" e cila administrohet nga shoqëria La Petrolifera Italo Albanese sha me të cilën kemi kontratë eskluzive shërbimi. Në zyrën tonë brenda Zonës së Lirë kryhen të gjitha procedurat e nevojshme doganore për hyrjen e produktit në depozita, hedhjen në qarkullim të lirë, tranzitin dhe eksportin e produkteve energjitike.